轉自 2018/06/21 蘋果日報 全港目前約有200間自助洗衣店，在舊區行幾步就有一間在附近。張柏基攝  (蘋果日報) 全港目前約有200間自助洗衣店，在舊區行幾步就有一間在附近，每次自助洗衫由最平5元至25元不等。有企業3年半前在香港開設首間24小時自助洗衣店，隨着近年劏房及納米樓湧現，「好多人話畀我哋聽屋企冇位擺洗衣機，對自助洗衫有需求」，至今分店數目已增至逾40間。自助洗衣店遇上的客人亦千奇百趣，有人違規清潔寵物衣服、波鞋，甚至用乾衣機烘乾中藥。

水漾衣坊全港有43間自助洗衣店，該店發展部經理袁凱珊表示，3年半前一次機緣巧合下，在尖沙咀重慶大廈開設首間24小時自助洗衣店，「當時好多反對聲音，加上傳統洗衣店都話冇得做，話邊有人肯花時間自己去洗衫、坐係到等」。她稱，最初主打旅客生意，「想試下啲人接唔接受到自助洗衣，好多外國人接受程度（自助）比香港人高」。 其後發現本地居民對自助洗衣有需求，「越來越多人話畀我哋聽屋企冇位擺洗衣機…或者同人share一間屋，唔鍾意同其他人共用一部洗衣機。」水漾衣坊就透過特許經營模式，現時分店已增至43間，9成位處住宅區，「傳統洗衣店有固定營業時間，香港人成日加班，根本都唔知幾點收工，趕唔切返屋企攞衫，以前冇得揀。依家有得揀可以自己洗，我哋都會消毒，一人一機好衞生」。

袁凱珊又透露，開店初期不時與客人接觸，發現不少人都是第一次用自助洗衣，「好多後生仔，啱啱自己搬出嚟住，未攞過衫出去洗，佢哋會問點解件衫會染咗色」。而為確保衞生，全線分店洗衣機設臭氧消毒，「每洗一機衫都會消毒，也都會幫個洗衣槽消毒，確保下一手唔需要擔心上一手洗咗啲咩」。 開設自助洗衣店，也發生不少千奇百趣事情，「有人會洗完漏低件衫，仲試過有客人用乾衣機去烘乾中藥」。另有少部分客人會違規清潔寵物衣服、波鞋，一旦發現會先勸喻，再犯就會警告，甚至要求繳付額外清潔費，「每間舖都有告示講明邊啲嘢唔洗得，違規唔算好多，普遍香港人都自律」。 記者：譚靜雯攝影︰張柏基